8,884 აბიტურიენტი, რომელიც სტუდენტი ვერ გახდა

2026 წლის ერთიანი ეროვნული გამოცდები

28 აგვისტო, 2026ავტორი: ირაკლი ფხოველიშვილი

2026 წლის ერთიან ეროვნული გამოცდების შედეგად 43,034 აბიტურიენტიდან 34,150 ჩაირიცხა. 16,200 გამოცხადებული ადგილი კი შეუვსებელი დარჩა. ეს ანალიზი იმ 8,884 აბიტურიენტზეა ვინც ვერ ჩაირიცხა. ნახავთ რატომ და მათგან რამდენს შეეძლო სადმე ჩარიცხულიყო.

ეროვნული გამოცდები 2026: 8884 ვინც ვერ ჩაირიცხა

8,884დარეგისტრირდა და არსად არ ჩარიცხულა

3,346მათგან გამოცდაზე საერთოდ არ გამოცხადდა

1,891კონკურსის გამო დარჩა გარეთ

16,200შეუვსებელი ადგილი

3,998გარეთ დარჩენილ აბიტურიენტს შეეძლო სადმე ჩარიცხულიყო

გამოცდებზე დასწრების სტატისტიკა

ამ ნაწილში შევხედოთ ყველა 43,034 აბიტურიენტს. რა ნაწილი მოვიდა გამოცდებზე:

38,683 აბიტურიენტიგავიდა ყველა რეგისტრირებულ გამოცდაზე

მათგან 87.0% ჩაირიცხა

1,005-მა აბიტურიენტმადაწერა გამოცდების ნაწილი, მაგრამ 1 ან მეტი გააცდინა

მათგან 49.1% ჩაირიცხა

3,346საერთოდ არ გამოცხადდა გამოცდებზე

მათგან 0% ჩაირიცხა

1,005 ნაწილობრივ დამსწრე, რა გააცდინეს

სავალდებულო საგნის გაცდენა ბაკალავრიატის კარს ავტომატურად კეტავს. არჩევითის შემთხვევაში კი გააჩნია: წერდა თუ არა სხვა არჩევითს და რას ითხოვს სასურველი პროგრამა.

1,005 ნაწილობრივ დამსწრე, რა გააცდინეს
გაცდენილი გამოცდა	ადამიანი	ჩაირიცხა	წილი
მხოლოდ არჩევითი საგანი	737	446	61%
ქართული	53	29	55%
უცხოური ენა	238	33	14%

737-დან, ვინც მხოლოდ არჩევითი გააცდინა, ჩაირიცხა 446, მათგან 349 ბაკალავრიატზე. 53-დან, ვინც ქართული გააცდინა, ჩაირიცხა 29; 238-დან, ვინც უცხოური ენა გააცდინა, ჩაირიცხა 33. ამ 62-დან ბაკალავრიატში ვერცერთი ვერ მოხვდა: 52 პროფესიულ პროგრამაზე წავიდა და 10 ქართულ ენაში მომზადებაზე, ანუ იმ ორ გზაზე, რომლებიც ამ გამოცდებს არ ითხოვს.

სად ჩაირიცხა 34,150 მიღებული აბიტურიენტი

ჩარიცხული აბიტურიენტები გადანაწილდნენ სამი ტიპის პროგრამებზე.

29,481 ბაკალავრიატი3,141 პროფესიული / სასულიერო1,528 ქართულ ენაში მომზადება (1+4)

1+4 ენაში მოსამზადებელი პროგრამაა: არაქართულენოვანი სტუდენტები ერთ წელს ქართულს სწავლობენ, სანამ ბაკალავრიატზე გადავლენ. ამ 1,528 ადგილიდან 1,495 სახელმწიფო უნივერსიტეტებშია.

ამ 40 ჩარიცხვიდან 37 სამხატვრო აკადემიაშია და 3 ჯიპა-ში. ექვსივე პროგრამა ცნობარის ფაილში არ არის, მაგრამ რანჟირებული სია მათ „აკად.“-ად ნიშნავს, ამიტომ აქ ბაკალავრიატში ითვლება.

სად ჩაირიცხა 34,150 მიღებული აბიტურიენტი
კვალიფიკაცია	სახელმწიფო	კერძო	სულ	წილი
ბაკალავრიატი	17,862	11,619	29,481	86.3%
პროფესიული / სასულიერო	1,322	1,819	3,141	9.2%
ქართულ ენაში მომზადება (1+4)	1,495	33	1,528	4.5%
სულ ჩარიცხული	20,679	13,471	34,150	100%

გარეთ დარჩენილები

34,150 ჩარიცხული უკვე გავიარეთ და დაგვრჩა 8,884 არჩარიცხული აბიტურიენტი დარეგისტრირებული 43,034-დან.

ნაბიჯ-ნაბიჯ შევხედოთ სხვადასხვა მიზეზს, თუ რატომ ვერ ჩაირიცხნენ ისინი.

−3,346გამოცდაზე საერთოდ არ გასულა

დარჩა5,538

−485გამოცდა ჩააბარა, მაგრამ არცერთი პროგრამა არ აურჩევია

დარჩა5,053

−3,093ვერ გადალახა სახელმწიფოს დაწესებული მინიმალური ზღვარი

დარჩა1,960

−69შიდა ზღვარი ვერ გადალახეს

დარჩა1,891

1,891არ ეყო საკონკურსო ქულა არჩეულ პროგრამებზე

დარჩა0

ზოლების სიგანე ადამიანების რაოდენობის პროპორციულია, და ყოველი მწკრივი იქ იწყება, სადაც წინა მწკრივის ნაშთი. 8,884 − 3,346 − 485 − 3,093 − 69 = 1,891.

საფეხური 1 · −3,346

გამოცდაზე საერთოდ არ გასულები

ვერ ჩარიცხულებში ეს ყველაზე დიდი ჯგუფია, 8,884-ის 38%. რატომ არ გამოცხადდნენ, არ ვიცით: შეიძლება გადაიფიქრეს, თავს მზად არ გრძნობდნენ, ან სხვა ცხოვრებისეული მიზეზი ჰქონდათ. ორი ქვე-ჯგუფია:

155 საგნებზე არც დარეგისტრირებულან. გვახსენდება რამდენიმე აბიტურიენტის პოსტი, როცა ეს გადახდის დავიწყების ან რეგისტრაციის ვადაში ვერ მოსწრების გამო მოხდა.
3,191 გამოცდებზე დარეგისტრირდა და არ გამოცხადდა. ყველა ქულის უჯრა ცარიელია.

ამ 3,191 არგამოცხადებულიდან 2,790-მა მაინც შეავსო პროგრამების სია. მათი თითქმის ნახევარი (1,380) მხოლოდ ერთ გამოცდაზე იყო რეგისტრირებული.

ამ ჯგუფის ვერჩარიცხვის კონკრეტული მიზეზის გამორკვევა რთულია: რა შეიცვალა რეგისტრაციიდან გამოცდაზე არგამოცხადებამდე, არ ვიცით.

5,538აბიტურიენტი დაგვრჩა, რომლებმაც ერთი გამოცდა მაინც წერეს.

საფეხური 2 · −485

გამოცდა ჩააბარეს, მაგრამ პროგრამები არ აურჩევიათ

485-მა აბიტურიენტმა ერთი გამოცდა მაინც ჩააბარა, მაგრამ შემდეგ პროგრამა აღარ აურჩევია. ძირითადი მიზეზი, სავარაუდოდ, მათი შედეგებია გამოცდებზე.

მათგან 297-ს შეეძლო სადმე ჩარიცხულიყო, თუმცა უმრავლესობა პროფესიული ადგილებია. მხოლოდ 34 მათგანი იყო ისეთი, ვისაც შეეძლო თუნდაც ერთ საბაკალავრო პროგრამაზე ჩარიცხულიყო.

5,053დარჩენილმა აბიტურიენტებმა გამოცდაც წერეს და პროგრამებიც აირჩიეს. ვნახოთ, რა მოხდა:

მე-3 საფეხურამდე: ორი ტიპის მინიმალური ზღვარი

სანამ აბიტურიენტები არჩეულ პროგრამაზე კონკურსში მონაწილეობის უფლებას მიიღებენ, მათ ორი ტიპის ბარიერის გადალახვა სჭირდებათ:

სახელმწიფო მინიმალური ზღვარი

მინიმალური კომპეტენციის ზღვარი. სახელმწიფოს დაწესებული მინიმალური ზღვარი, რომელიც ყველა პროგრამას ეხება. ეს არის ფიქსირებული პროცენტი, რომელიც ედარება აპელაციების შემდეგ გათანაბრებულ ქულას. თუ ეს კონკრეტულ საგანში ვერ გადალახე, ამ საგნით პროგრამაზე კონკურსზე არ განიხილები. 25% საგნების უმეტესობისთვის, 20% მათემატიკისა და უცხოური ენებისთვის, 30% უმცირესობების ზოგადი უნარებისთვის.

პროგრამის შიდა მინიმალური ზღვარი

პროგრამის საკუთარი მინიმალური ზღვარი, გამოქვეყნებული NAEC-ის ცნობარში. ზოგჯერ ის სახელმწიფო ზღვარს უდრის, თუმცა ბევრგან ბევრად მაღალია. მაგალითად, თსსუ-ის დიპლომირებული მედიკოსი ითხოვს ქართულს 55%-ზე მაღლა, უცხოურ ენას 75%-ზე მაღლა, ბიოლოგიას 65%-ზე მაღლა, და ერთ-ერთს: მათემატიკა 50%-ზე მაღლა / ფიზიკა 50%-ზე მაღლა / ქიმია 60%-ზე მაღლა.

მხოლოდ ორივე ზღვრის დაძლევის შემდეგ განიხილება აბიტურიენტი მოცემულ პროგრამაზე.

მთელ ნაკადში პროგრამის საკუთარმა ზღვარმა 9,033 აბიტურიენტს დაუკეტა სულ მცირე ერთი ჩაწერილი პროგრამა, სულ 22,030 არჩევანი, მაშინ როცა სახელმწიფო ზღვარი უკვე გადალახული ჰქონდათ. უმეტესობისთვის ამან მხოლოდ სია შეამცირა: 8,258 სხვაგან ჩაირიცხა, 775 კი ვერსად. მარტო თსსუ-ის დიპლომირებულმა მედიკოსმა 412 შეაჩერა, ვისაც სახელმწიფო ზღვარი გადალახული ჰქონდა. მათგან 376-მა მაინც მიიღო სამედიცინო ადგილი უფრო დაბალზღვრიან პროგრამაზე, 25 სხვაგან წავიდა, 11 კი ვერსად.

საფეხური 3 · −3,093

სახელმწიფო ზღვარი ვერ გადალახეს

ეს 3,093 გამოცდაზეც გავიდა და პროგრამებიც აირჩია, მაგრამ სახელმწიფო მინიმალური ზღვარი ვერ გადალახა, ამიტომ ვერცერთ ჩვეულებრივ საბაკალავრო პროგრამაზე არ განიხილებოდა. მათგან 946-მა მხოლოდ ერთი გამოცდა ჩააბარა. 1,925-მა სამი ან მეტი.

სახელმწიფო ზღვარი ვერ გადალახეს
მიზეზი	აბიტურიენტები
ქართული საერთოდ არ დაწერა და უმცირესობის ზოგადი უნარებიც არ აქვს	847
ქართულში ჩაიჭრა	751
უცხოურ ენაში ჩაიჭრა	485
უცხოური ენა საერთოდ არ დაწერა	126
ყველა არჩევით საგანში ჩაიჭრა	797
არჩევითი საგანი საერთოდ არ დაწერა	87
სულ	3,093

ამ აბიტურიენტების ნაწილს კიდევ აქვს შანსი. პროფესიული და სასულიერო კატალოგისთვის ზღვარი ნახევარია, ანუ ტესტის მაქსიმუმის 10%-დან 13%-მდე, ბაკალავრიატის 20%-დან 25%-ის ნაცვლად. ამ 3,093-დან 1,877 პროფესიულ ადგილს მოიპოვებდა, ერთი მაინც რომ ჩაეწერა სიაში.

მთლიან ნაკადში 1,634 აბიტურიენტმა ჩააბარა არჩევითი და ვერცერთში ვერ გადალახა ზღვარი. მათგან 729 მაინც ჩაირიცხა: 686 პროფესიულებში, 26 ერთწლიან მოსამზადებელზე (1+4) და 17 ხელოვნების აკადემიაში, სადაც ჩარიცხვას შემოქმედებითი ტური განსაზღვრავს.

1,960ამ აბიტურიენტებმა სახელმწიფო ზღვარიც გადალახეს და თეორიულად შეეძლოთ სადმე მოხვედრა, თუმცა ვერ მოხვდნენ. ვნახოთ, რა მოხდა.

საფეხური 4 · −69

შიდა ზღვარი ვერ გადალახეს

ერთ კონკრეტულ პროგრამაზე შიდა ზღვარმა ბევრი აბიტურიენტი დაბლოკა. თუმცა აბსოლუტურ უმრავლესობას სხვა ალტერნატივებიც ეწერა, სადაც შიდა ზღვარს ლახავდა. ეს 69 აბიტურიენტი გამონაკლისია: ქვეყანაში სადმე საბაკალავრო პროგრამა მათთვის ღია იყო, მაგრამ ეწერათ მხოლოდ ისეთი პროგრამები, სადაც ვერ გადიოდნენ. 33-ს ყველა არჩევანი შიდა ზღვარმა დაუკეტა, 30-ს სახელმწიფო ზღვარმა სწორედ იმ საგანში, რომელსაც ეს პროგრამები ითვლიდნენ, 6-ს კი ორივემ. აღსანიშნავია, რომ 69-დან 28-ს მხოლოდ ერთი პროგრამა ჰქონდა არჩეული.

სამოცდაცხრავე მოხვდებოდა საბაკალავრო პროგრამაზე იმ ქულებით, რაც ჰქონდათ. უბრალოდ მეტი პროგრამა უნდა ჩაეწერათ ასარჩევად.

1,891ამ აბიტურიენტებმა გადალახეს როგორც სახელმწიფო, ასევე შიდა ზღვარი. თუმცა მაინც გარეთ დარჩნენ.

საფეხური 5 · 1,891

არ ეყოთ საკონკურსო ქულა

მხოლოდ ეს ჯგუფია, რომელმაც კონკრეტულ პროგრამებზე მიიღო კონკურსში მონაწილეობა. თუმცა მათ მიერ არჩეულ პროგრამებზე არსებულ ადგილებზე მაღალი მოთხოვნა იყო და საკონკურსო ქულებით მათ სხვა აბიტურიენტებმა აჯობეს.

ეს არის ჯგუფი, სადაც ალბათ ყველაზე დასანანი შედეგებია. 191 მათგანს მხოლოდ ერთი პროგრამა ეწერა. არ ვიცით, ეს პრინციპულობის, დაუდევრობის თუ ზედმეტი თავდაჯერებულობის ბრალია.

მათგან 1,475-ს შეეძლო მინიმუმ ერთ რომელიმე საბაკალავრო პროგრამაზე ჩარიცხვა. მედიანურად კი მათ 71 სხვადასხვა ადგილის კვოტაზე ჰქონდათ მოხვედრის შანსი, ეს პროგრამები რომ ჩაეწერათ.

ფინანსები ცალსახად თამაშობს აქ როლს. 1,891-დან 842-ს მხოლოდ სახელმწიფო პროგრამები ეწერა, რაც შეიძლება ნიშნავდეს, რომ მათთვის მნიშვნელოვანია უფასოდ სწავლა. ამ 842-დან 633-ს სხვა სახელმწიფო საბაკალავრო პროგრამაზე შეეძლო ჩარიცხვა, ეს პროგრამები რომ დაეწერათ: მედიანურად 38 სხვადასხვა სახელმწიფო კვოტაზე შეეძლოთ მოხვედრა. 209-ს ბაკალავრიატში ვერსად შეეძლო მოხვედრა; მათგან 82 პროფესიულ ადგილს მოიპოვებდა და 127 ვერსად ვერაფერს. დარჩენილი 1,049-დან, რომლებსაც კერძოებიც ეწერათ, 840-ს შეეძლო სახელმწიფო პროგრამაზე მოხვედრა.

ვერ ჩარიცხულები საკონკურსო ქულების მიხედვით

ვერ ჩარიცხულები საკონკურსო ქულების მიხედვით
საკონკურსო ქულა	აბიტურიენტი	წილი	რამდენი ქულა დააკლდათ (მედიანა)	სხვა რამდენ პროგრამაში მოხვდებოდა (მედიანა)
2,100 და მეტი	1	0.1%	53.7	445
2,000 - 2,100	0	0%
1,900 - 2,000	15	1.1%	28.4	331
1,800 - 1,900	105	7.8%	23.4	269
1,700 - 1,800	259	19.2%	46.4	191
1,600 - 1,700	578	42.8%	44.5	100
1,500 - 1,600	376	27.8%	91.0	63
1,500-ზე დაბლა	17	1.3%	146.0	46

ცხრილში შესულია 1,891-დან 1,351 აბიტურიენტი. დანარჩენებს ან მხოლოდ პროფესიულზე ჰქონდა განაცხადი, ან მხოლოდ შემოქმედებითი ტურის მქონე პროგრამები, რომელთა შედარებაც აქ პირდაპირ არ ხერხდება.

0ამით ამოვწურეთ და სრულად გავაანალიზეთ 8,884 ვერჩარიცხული აბიტურიენტი.

შეჯამება

შეჯამება
საფეხური	ადამიანი	მოიპოვებდა ბაკალავრიატის ადგილს	მოიპოვებდა ნებისმიერ ადგილს
1 · გამოცდაზე საერთოდ არ გასულა	3,346	0	0
2 · გამოცდა ჩააბარა, განაცხადი არა	485	34	297
3 · სახელმწიფო ზღვარი	3,093	0	1,877
4 · ჩაწერილიდან არაფერი იყო ღია	69	69	69
5 · გამსვლელ ქულაზე წააგო	1,891	1,475	1,755
ყველა ერთად	8,884	1,578	3,998

„მოიპოვებდა“ ნიშნავს, რომ თუ სხვა დამატებით პროგრამებს ჩაწერდნენ არჩევანში, იქ ჩაირიცხებოდნენ.

მთავარი

8,884-დან 3,998-ს ჰქონდა შანსი სადმე ჩარიცხულიყო. მათგან 1,578-ს შეეძლო საბაკალავრო პროგრამაზე მოხვედრა: 1,574-ს სახელმწიფო საბაკალავრო პროგრამაზე, ხოლო 1,473-ს კერძოზე. ცალსახად, ეს ბაზრის არაეფექტური ნაწილია, რომლის გამოსწორებაც სწორი კომუნიკაციით სავსებით შესაძლებელია.

16,200 შეუვსებელი ადგილი

წლევანდელ პროგრამებში ჯამში 50,350 ადგილი იყო გამოცხადებული, რომელთაგან მხოლოდ 34,150 შეივსო.

ტიპის მიხედვით

ტიპის მიხედვით
კვალიფიკაცია	ადგილი	შევსებული	ვაკანტური	შევსება %
პროფესიული / სასულიერო	10,487	3,141	7,346	30.0%
ბაკალავრიატი	36,816	29,481	7,335	80.1%
ქართულ ენაში მომზადება (1+4)	3,047	1,528	1,519	50.1%
სულ ადგილი	50,350	34,150	16,200	67.8%

კავშირი მე-3 საფეხურთან

პროფესიულ კატალოგში მხოლოდ ადგილების 30% შეივსო. მესამე საფეხურის 1,137 აბიტურიენტს ჯერ კიდევ შეუძლია ამ ადგილებზე მოხვედრა.

ბაკალავრიატის ადგილები: სახელმწიფო და კერძო

სახელმწიფო21,625 ადგილი · 3,763 ვაკანტური

82.6% შევსებული

კერძო15,191 ადგილი · 3,572 ვაკანტური

76.5% შევსებული

მხოლოდ ბაკალავრიატის ადგილები.

მიმართულების მიხედვით: სახელმწიფო და კერძო

მიმართულების მიხედვით: სახელმწიფო და კერძო
მიმართულება (ბაკალავრიატი და 1+4)	სახელმწ. ადგილი	სახელმწ. შევსება	კერძო ადგილი	კერძო შევსება	ვაკანტური სულ
მედიცინა და ჯანდაცვა	2,670	42.5%	1,520	34.4%	2,532
ენობრივი მომზადება	3,001	49.8%	46	71.7%	1,519
ინჟინერია	3,635	78.9%	912	54.4%	1,183
IT და კომპიუტერული მეცნიერება	2,040	81.4%	1,912	61.1%	1,124
ბიზნესი და ეკონომიკა	4,695	93.8%	3,531	89.9%	649
სოციალური მეცნიერებები	890	94.9%	3,007	87.6%	418
საბუნებისმეტყველო მეცნიერებები	1,315	78.2%	131	45.8%	358
სოფლის მეურნეობა	915	67.3%	163	93.3%	310
ჰუმანიტარული მეცნიერებები	2,375	97.6%	800	70.9%	289
არქიტექტურა და დიზაინი	720	96.2%	483	74.5%	150
ხელოვნება	425	84.9%	157	51.6%	140
მედია და კომუნიკაცია	160	100%	744	87.6%	92
სამართალი	1,500	100%	1,821	95.7%	79
განათლება	285	96.1%	10	100%	11

სამართლის სახელმწიფო ადგილები 100%-ით შეივსო, 1,500-დან 1,500, ისევე როგორც მედიის სახელმწიფო ადგილები.

კავშირი მე-4 საფეხურთან

მედიცინამ და ჯანდაცვამ 2,532 ადგილი ცარიელი დატოვა და 40%-ზე ნაკლები შეავსო, ნებისმიერ სხვა მიმართულებაზე უარესი, და სწორედ ეს მიმართულება აწესებს ქვეყანაში ყველაზე მაღალ პროგრამულ ზღვრებს. მარტო თსსუ-ზე ამ ვაკანსიებიდან 1,202 მოდის. სამართალმა, რომელიც ჩვეულებრივ ზღვრებს აწესებს, 97.6% შეავსო.

თორმეტი დაწესებულება, სადაც ყველაზე მეტი ადგილი დარჩა ცარიელი

თორმეტი დაწესებულება, სადაც ყველაზე მეტი ადგილი დარჩა ცარიელი
დაწესებულება	ადგილი	შევსებული	ვაკანტური	შევსება %
თბილისის სახელმწიფო სამედიცინო უნივერსიტეტი · სახელმწ.	2,393	1,078	1,315	45.0%
ბათუმის შოთა რუსთაველის სახელმწიფო უნივერსიტეტი · სახელმწ.	2,862	2,013	849	70.3%
აკაკი წერეთლის სახელმწიფო უნივერსიტეტი · სახელმწ.	2,756	1,975	781	71.7%
საქართველოს საავიაციო უნივერსიტეტი · კერძო	997	336	661	33.7%
საპატრიარქოს წმ. ტბელ აბუსერისძის უნივერსიტეტი · კერძო	803	159	644	19.8%
საქართველოს ტექნიკური უნივერსიტეტი · სახელმწ.	3,831	3,336	495	87.1%
საქართველოს ბიზნესის აკადემია SBA · კერძო	670	207	463	30.9%
სოხუმის სახელმწიფო უნივერსიტეტი · სახელმწ.	1,354	906	448	66.9%
ბათუმის სახელმწიფო საზღვაო აკადემია · სახელმწ.	1,113	678	435	60.9%
საზოგადოებრივი კოლეჯი კავკასიონი · კერძო	461	65	396	14.1%
თბილისის სახელმწიფო უნივერსიტეტი · სახელმწ.	7,708	7,328	380	95.1%
ზუგდიდის შოთა მესხიას სახელმწიფო უნივერსიტეტი · სახელმწ.	469	147	322	31.3%

ხუთი ყველაზე ცარიელი სახელმწიფო პროგრამა

ხუთი ყველაზე ცარიელი სახელმწიფო პროგრამა
პროგრამა	ადგილი	შევსებული	ვაკანტური
დიპლომირებული მედიკოსი · თსსუ · ბაკალავრიატი	900	379	521
საექთნო საქმე, ქართულ-ავსტრიული პროგრამა · თსსუ · ბაკალავრიატი	250	1	249
სამეანო საქმე · თსსუ · ბაკალავრიატი	200	7	193
ქართულ ენაში მომზადება სომხურენოვანთათვის · ბათუმის სახელმწ. უნივ. · 1+4	137	1	136
ფინანსები · ბათუმის სახელმწ. უნივ. · ბაკალავრიატი	220	91	129

სხვათა შორის, ფოქსპრეპზე ზუსტად ამიტომ ვქმნიდით „სად მოვხვდები“ და მსგავს ხელსაწყოებს. მათ აბიტურიენტებთან მაქსიმალური ინფორმაცია მიაქვთ, რათა ზუსტად იცოდნენ იმ ადგილების შესახებაც, რომლებიც სადაზღვევოდ კარგი ვარიანტებია.

შეზღუდვები ანალიზში

ცარიელი ქულა ნიშნავს „დარეგისტრირდა, შედეგი არაა“. განზრახ გაცდენა, რეალური არყოფნა, გამოცდიდან გამოგდება და ნაშრომის განულება ამ მონაცემებში ერთნაირად გამოიყურება.
64 პროგრამა ატარებს უნივერსიტეტის შემოქმედებით ტურს, რომელიც ბაზაში არაა. ეს პროგრამები ანალიზის ზოგი ნაწილიდან ამოღებულია.